Link açıqlığı

Aqmescitte fevral 1 künü belgisiz maskalı ve silâlı insanlar «SimCityTrans» Qırım taşıyıcısınıñ işini blok etti. Bunı şirketniñ hadimleri bildire.

Olarnıñ malümatına köre, silâlı insanlar memuriy binanı blok etip, zapt ettiler. Bunıñ ile, şaatlarnıñ aytqanı kibi, insanlar öz areketlerini añlatmadılar.

Şirketniñ qabul odasında Qırım.Aqiqatqa işbu «ziyaret» aqta malümatnı tasdiqladılar, amma tafsilâtlıca birazdan haber etmege söz berdiler.

Qırımda uquq qoruyıcı organlarınıñ bu aqta resmiy beyanatdarı yoq.

«SimCityTrans» şirketini Qırım qamaçavınıñ idarecisi Lenur İslâmovnıñ adı ile bağlaylar. Onıñ ATR telekanalı işbu şirketniñ binasında yerleşe. Qırımda İslâmovğa nisbeten yerli uquq qoruycılar cinaiy işlerni açtı. İş adamınıñ mülkiyetini apis ettiler.

XS
SM
MD
LG