Link açıqlığı

Saatnıñ esas haberi

Qırım territoriyasında çalışqan Rusiye ekimleri öz Qırımdaki zenaatdaşlarını «esir» dep adlaylar, dedi ATR qırımtatar telekanalınıñ baş müdiriniñ muavini Ayder Mujdabayev öz Facebook saifesinde.

Onıñ sözlerine köre, «Rusiyeden RF-tecribesi ile paylaşamaq içün iş yollanmasına kelgenler» tarafından Qırım ekimleri nasıl adlanğanını o Kiyev ekiminden ögrendi.

«İş vaziyeti. Hasta insan kele. Aqçası olğan bir insan olsa – «ileri» ekimler qabul ete, Rusiye ekimleri. Hasta insan fuqarege oşasa – yerli ekimlerge bere ve özara: «Bunı esirler alsın» dep laf yürseteler. Qırımlılar esir eken», – yaza Mujdabayev.

«Rusiye arbiyleri olarğa kelgen ukrain arbiylerini satqın dep adlağanları (söz sırası, doğru) er keske belli. Bu alda ise «esir» degenlerini ilk sefer eşittim. Em şaqa, em günâh», – dep qoştı o.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.

XS
SM
MD
LG