Link açıqlığı

Qırım Rusiye ükümetiniñ Tasil nazirligi ana tilleriniñ, şu cümleden qırımtatar, ermeni, bulğar, alman tilleriniñ ocalarını ğayrıdan azırlaycaq ola.

«Al-azırda mektepten evel tasil ve umumtasil mekteplerinde ana tillerini (ermeni, bulğar, qırımtatar, alman, yañı yunan ve diger) ögretüv nazariyeti ve usuliyeti saasında çalışmağa aqqını tasdiqlağan diplomnı elde etmege ve ögrenmege istegenlerden vesiqalarnıñ qabul etüvi boyunca iş teşkil etilgen», – denile matbuat hızmetiniñ beyanatında.

Ocalarnıñ ğayrıdan oqutuvı birinci tasilden soñ pedagogik institutınıñ temelinde alıp barılacaq.

Rusiye tarafından Qırımnıñ işğalinden soñ «Qırım Cumhuriyetiniñ Anayasası» boyunca (10-ncı madde) yarımadada üç devlet tili bar – qırımtatar, rus ve ukrain.

XS
SM
MD
LG