Link açıqlığı

Ukraina Tış işler naziri Pavlo Klimkin Türkiye Tış işler naziri Mevlüt Çavuşoğlu ile yanvar 29-da İstanbulda «mündericeli muzakerelerni» keçirdi.

«Taraflar Rusiye işğali altında bulunğan Qırım Muhtar Cumhuriyeti ve Aqyarda insan aqlarınıñ bozuluvı boyunca qasevetini bildirdi ve bu saada yapılacaq işbirlik adımlarını uyğunlaştırdılar», – dep bildire Ukraina Tış işler nazirliginiñ matbuat hızmeti.

Yanvar 27 künü Freedom Housenıñ aşkâr etilgen«Dünyada azatlıq – 2016» esabatında işğal etilgen Qırımda siyasiy aq ve vatandaşlıq serbestliginiñ vaziyeti «serbestsiz» adlana.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.

XS
SM
MD
LG