Link açıqlığı

Qırım blogeri Zair Akadırov onı yanvar 15 künü Qırımnıñ Rusiye Yuqarı mahkemesiniñ binası yanında yaqalağan politsiya hadimlerine şikâyet ete. Bunı Akadırov Facebookta yazdı.

«Adliyecilerniñ tevsiyesi ile Rusiye Federatsiyasınıñ Qırım boyunca Taqiqat komiteti ve Qırımda İnsan aqları boyunca vekâletlige barğanım. Meni Qırım Yuqarı mahkemesiniñ binası yanında qanunsız tarzda yaqalağan politsiya hadimlerine şikâyetlerimni qayd ettim. Cevap bekleycegim», – dey bloger.

Qırım blogeri Zair Akadırov Qırım Rusiye prokuraturasına Aqmescitte yanvar 15 künü onı yaqalamağa tırışqan politsiya hadimleriniñ qanunsız areketleri boyunca qararlarnı almağa ve teşkerüvni keçirmege ricası ile muracaat etken edi.

Yanvar 15 künü Qırım Yuqarı mahkemesiniñ binası yanında, «fevral 26 işi» boyunca mahkeme toplaşuvınıñ başlanmasını beklegen qırımtatar jurnalisti Zair Akadırovnı yaqaladılar. Zair Akadırovnı onıñ zenaat faaliyeti aqqında soraştırdı ve bir saat devam etken sorğudan soñ azat ettiler. Bunıñ ile, jurnalistniñ aytqanına köre, onı mecburen Ekstremizmge qarşılıq boyunca merkezge alıp ketmege istey ediler, qorquzdılar.

Qırım Rusiye tarafından işğal etildi.

XS
SM
MD
LG