Link açıqlığı

Kiyevde V.İ. Vernadskiy adına Tavriya milliy universitetiniñ işi ğayrıdan başlana. Fevral 1-den universitet student ve ocalarnıñ terkibini teşkil etmege başlay.

Qırım.Aqiqatqa bildirilgeni kibi, studentlerden vesiqalarnı qabul etmege başladılar. Oqutuv kündüz, ğıyabiy şekilde, uzaqtan alıp barılacaq, bücet ve paralı oqutuv şekilleri bar. Muhtac olğanlarğa yataqhane berile.

«Kiyev şeerinde V. İ. Vernadskiy adına Tavriya milliy universitetine kirmege ya da oquşına devam etmege istegenler crimea.tnu@gmail.com adresine malümatnı yollamalı. Malümatta ad ve soyadı, ihtisas, oqutuv şekli ve yılı, yataqhanege ihtiyacı yazıla. Malümatnı yalıñız Google bedava elektron poçta qutusından yollamağa rica etemiz. Qıtaiy Ukrainada bulunğan student ve mezunlarnı öz telefon nomerasını yazmağa rica etemiz. Telefon boyunca studentlerni Kiyevde oquşqa devam etmege çağırırlar (uzaqtan tasil alacaq studentlerden ğayrı).

Vernadskiy adına Tavriya Milliy universiteti Qırım akimiyeti tarafından yoq etildi ve Qırım Federal universiteti terkibine kirdi, şimdi qıtaiy Ukrainada işine devam etecek.

XS
SM
MD
LG