Link açıqlığı

Aqmescitte musulmanlar dua ile efsaneviy uçucı Amet-Han Sultannıñ hatırasını añdılar. Bu aqta Qırım ve Aqyar musulmanları diniy idaresi bildire.

«Sovet Birliginiñ eki defa qaramanı, SSCB nam qazanğan sınavcı-uçucı Amet Han Sultannıñ 45 yıllığına bağışlanğan dua merasimi yanvar 29 künü Qırım paytahtınıñ merkeziy Kebir camisinde keçirildi», – denile beyanatta.

2015 senesi oktâbr ayında Kiyev ve Qırımda Amet-Han Sultannıñ 95 yıllığına bağışlanğan tedbirler keçti.

Sovetlerniñ uçucısı Amet-Han Sultan 603 cenk uçuşını yaptı, 30 uçaqnı şahsen ve 19 uçaqnı taqım içinde qırdı. Yaz işi devamında uçucı 100 uçuş vastasını ögrendi. 1971 senesi fevral 1-de Amet-Han Sultan Tu-16 uçuş laboratoriyasında sınav uçuşında elâk oldı. Moskvada defn etilgen edi.

XS
SM
MD
LG