Link açıqlığı

Aq Manay köyünde qırımtatarlarnıñ evlerinde keçirilgen tintüvler aqqında haber eteler – Bucurova


Qırımnıñ Lenin rayonı Aq Manay köyünde cuma künü yanvar 29-da uquq qoruyıcılar bir qaç qırımtatarnıñ evinde tintüvlerni keçirdi. Bunı Qırım jurnalisti Lilâ Bucurova Facebookta bildirdi.

Onıñ sözlerine köre, uquq qoruyıcılar özünen beraber «Ametovlarnıñ qorantasını, mektete oquğan balalarnı bile, alıp kettiler».

Qırım Rusiye akimiyetiniñ ve yerli uquq qoruyıcılarnıñ bu aqta resmiy malümatı şimdilik yoqtır.

Yanvar 28 künü Aqmescitte İslâm medeniy merkeziniñ binasında keçirilgen tintüv aqqında haber peyda oldı.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.

XS
SM
MD
LG