Link açıqlığı

Saatnıñ esas haberi

Ahtem Çiygoznıñ apis yıllığı


Cuma künü, yanvar 29 künü, Qırımda Qırımtatar Milliy Meclisiniñ reisiniñ muavini «fevral 26 işi» boyunca yaqalanuvınıñ bir yılı tola.

Ahtem Çiygoz Rusiye Federatsiyasınıñ Taqiqat komitetininde «kütleviy tertipsizliklerde iştirak etüvinde şeklengeni» boyunca sorğu devamında yaqalandı. Çiygozdan ğayrı, qırımtatar faalleri Mustafa Degermenci, Ali Asanov, Eskender Kantemirov, Talât Yunusov, Eskender Emirvaliyev, Eskinder Nebiyevni da yaqaladılar.

Mustafa Degermenci, Ali Asanov ve Ahtem Çiygoz bir buçuq yıl evelsi fevral 26 künü Qırım parlamenti yanında Ukraina topraq bütünliginiñ tarafdarları ve «Russkoye yedinstvo» («Rusiye birligi») firqasınıñ faalleri arasında teşkil olunğan «kütleviu tertipsizliklerde» iştirak etüvleri içün qabaatlana.

Yaqalanğanlar öz qabaatını tanımaylar.

Cuma künü, yanvar 29-da, Ukraina Tış işler nazirliginde «fevral 26 işi»niñ birinci iştirakçisi – Qırımtatar Milliy Meclisi reisiniñ birinci muavini Ahtem Çiygoznıñ yaqalavı yıllığına bağışlanğan sergini azırlaylar.

Tedbirde qırımtatarlarnıñ milliy yetekçisi, Ukraina Yuqarı Radasınıñ deputatı Mustafa Cemilev, Qırımtatar Milliy Meclisiniñ reisi Refat Çubarov ve qırımtatarlarnıñ timsaliy organınıñ diger azaları, Ukraina Tış işler nazirliginiñ temsilcileri ve cemaat erbaplarınıñ iştiraki beklenile.

Tedbir teşkilâtçıları – Qırımtatar Resurs Merkezi, «Yevromaydan SOS», Qırımtatar Milliy Meclisi ve Ukraina Tış işler nazirligi, Eroupean Endowment for Democracy. Teşkilâtçılarnıñ malümatına köre, leyha ‪#‎LetMyPeopleGo kampaniyasınıñ qısmıdır. Taqdimi saat 11:00 başlanacaq.

XS
SM
MD
LG