Qırımda meskün yerlerniñ adlarınıñ deñiştirilmesi boyunca esas noqta – tarihiy qırımtatar adlarınıñ qaytarılması. Bunı Radio Svoboda efirinde Ukraina Milliy hatıra institutınıñ başı Vladimir Vâtroviç bildirdi. Onıñ sözlerine köre, bu meselede institut Qırımtatar Milliy Meclisi ile birlikte çalışa.
«Dekommunizatsiya» aqqında qanunğa köre, şimdi Rusiye Federatsiyasınıñ işğali altında olğan ya da Donetsk ve Lugansk vilâyetlerinde terroristik gruppalarınıñ nezareti altında bulunğan territoriyalar istisna degil. Yani, anda cemaat muşaverelerini keçirmege imkân olmasa bile, meskün yerleriniñ adlarını deñiştirecekler», – dedi o.
Jurnalistniñ Qırımnıñ Rusiye işğali şaraitlerinde bu tek Ukrana ve dünya haritalarında mumknün olğanı aqqında aytqanına Vâtroviç dedi: «Ukraina özüne Qırımnı qaytarmağance».
