Link açıqlığı

Qırım Devlet şurasında keçirilgen ekskursiyalarda «blackout» ve «Qırım baari» aqqında tarif eteler


Qırımda talebeler içün Rusiye Devlet şurası binasına ekskursiyalarnıñ keçirilmesini yañarttılar.

Qırım parlamentiniñ matbuat hızmeti bildirgeni kibi, yanvar 28-de Qurman rayonı mektebiniñ 9-10 sınıflarınıñ talebeleri Devlet şurasına ekskursiyağa keldi.

«Qırım parlamenti ziyareti vaqtında balalar onıñ divarlarında qabul etilgen tarihiy qararlar aqqında bildi, şu cümleden «Qırım baari» aqqında. Talebelerniñ yüreklerinde cumhuriyetniñ Rusiye Federatsiyası terkibine kirmesiniñ tarihiy basamaqları aqqında videofilm, qırımlılarnıñ «blackout» ve fevqulâde vaziyet rejimi şaraitlerinde yaşayışı aqqında foto sergisi yer taptı», – denile beyanatta.

Matbuat hızmetiniñ malümatına köre, Qırım parlamenti apparatınıñ hadimleri Devlet şurası vekâletleri aqqında tarif ettiler, sessiya salonını kösterdiler, prezidium zalını ve matbuat merkezini.

Talebeler içün ekskursiyalarnı Qırım parlamentinde Qırımdan da evel keçire ediler, amma mündericesi başqa edi.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.

XS
SM
MD
LG