Link açıqlığı

Saatnıñ esas haberi

«Qırım musulmanları fondu» Rusiye qaydını aldı


Qırım ve Aqyar musulmanlarınıñ diniy idaresi 2013 senesi Qırım Müftiyligi tarafından tesis etilgen «Qırım musulmanları fondu» hayriye teşkilâtınıñ Rusiye qanuniyetine köre qayd etilgenini bildire. Vesiqalar paketi Qırım Müftiyligine berildi, dep haber ete QAMDİ matbuat hızmeti.

Hayriye teşkilâtı Qırım musulmanlarına maneviy, maliyeviy, teşkiliy ve diger yardımnıñ kösterilmesi içün teşkil etildi.

«Qırım musulmanlarınıñ eyiligi içün hayriye teşkilâtınıñ inkişafı boyunca bir sıra ğaye ve levhamız bar. İnşaAllah, dindaşlarımızğa yardım etmege tırışacaqmız», – dep bildire matbuat hızmeti Fond reisiniñ Artur Reşitovnıñ sözlerini.

Qırım Müftiyliginiñ malümatına köre, «Qırım musulmanları fondu» fuqare qorantalarğa yardım köstere, Ramazan ayında musulmanlarğa aşayt mallarını bere, çeşit içtimaiy leyhalarnı amelge keçire edi.

XS
SM
MD
LG