Link açıqlığı

Aqmescitte silâlı insanlar Mokrousov soqağında yerleşken camini sarıp aldı. Bunı Qırımtatar Milliy Qurultayınıñ Merkeziy saylav komissiyasınıñ reisi Zair Smedlâyev bildirdi.

«Aqmescitte Mokrousov soqağında yerleşken camini silâlı insanlar sarıp alğanı aqqında haber keldi. Namaznı qılmağa kelgenlerni bile içeri almaylar», – yazdı Smedlâyev Facebookta.

Onıñ sözlerine köre, bunıñ sebebi belgisizdir.

Qırımtatar Milliy Qurultayınıñ Merkeziy saylav komissiyasınıñ reisi Elif bala merkezinde de keçirilgen teşkerüv aqqında bildirdi.

Qırım Rusiye akimiyetiniñ bu aqta izaatı yoqtır.

Bıltır bildirilgeni kibi, Qırımnıñ Rusiye mahsus hızmetleri musulman diniy teşkilâtlarnıñ temsilcileri ile ekstremizm boyunca mesleatlarnı keçire edi. Camilerde nezaret kameralarını qoydılar.

XS
SM
MD
LG