Link açıqlığı

Rusiye iqtisadiyatınıñ meselesi «Qırım ve Ukraina meselelerine degil de, iç iqtisadiyatına bağlı», bunı Qırım.Aqiqat Radiosı efirinde «Finpotrebsoyuz» maliye hızmetleriniñ istimalcı aqlarınıñ qoruvı birliginiñ bank bölüginiñ reberi Mihail Belâyev bildirdi.

Mütehassıs şunı qayd etti ki, Rusiye iç iqtisadiyatı inkişafına az diqqat ayırğan edi.

Moskvada bank para emanetçileriniñ narazılıq aktsiyaları devam ete. Rusiyede mesken satın aluvına banklarda para ödünçlerini alğanlar rubleniñ tüşmesinden sebep borclarını qapatıp olamay.

Ödünçni Amerika para birleminde alğan Moskva sakinleri borcnı şimdiki kurs boyunca degil de, dollar içün 40 ruble birleminde ödemege istey. Öz para belâlarında rusiyeliler em banklarnıñ yolbaşçılığını, em Kremlniñ Qırım işğali boyunca mevamını qabaatlay.



Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.

XS
SM
MD
LG