Link açıqlığı

Rusiye «Qırımtatar cemaat tereradiokompaniyası»nıñ «Vatan sedası» radiostantsiyası Rusiyeniñ bağ, haber tehnologiyaları ve kütleviy kommunikatsiya saasında nezaret boyunca federal hızmetiniñ Aqmescitte, Keriç, Kefe ve Yaltada yayınav yarışında ğalebe qazandı. Bunı Qırım Rusiye Nazirler şurasınıñ reisi muavini Dmitriy Polonskiy bildirdi.

Onıñ sözlerine köre, «devletniñ ciddiy yardımı ile» qırımtatar telekardiokompaniyasında telekanal ve radiostantsiyasını meydanğa ketirmege imkânı peyda oldı. Ve, aytqanı kibi, endi «qırımtatar halqınıñ öz şahsiy kütleviy matbuat vastalarına aqqı amelge keçti».

Dmitriy Polonskiyniñ sözlerine köre, «Vetan sedası» radiostantsiyasını radiolarda tapmaq içün mahsus bir vesiqalarnıñ başta olması kerek. Radiokompaniya da Aqmescite Kozlov soqağında Qırım mediamerkezinde yerleşecek.

Avgust 10 künü Roskomnadzor «Millet» telekanalı ve «Vatan sedası» radiostantsiyasını kütleviy matbuat vastaları olaraq resmiyleştirdi. «Millet» akimiyet tarafdarı «Qırım» telekanalınıñ qırımtatar ve milliy programmaları departamenti esasında teşkil etildi.

«Millet» deñev yayınlavını sentâbr 1-de başladı.

ATR qırımtatar telekanalı 2015 senesi aprel 1-den Qırımda işini toqtatmağa mecbur edi. 2015 senesi iyün 17-den kanal Kiyevde işlemege başladı.

XS
SM
MD
LG