Link açıqlığı

Şimdi Rusiye nezareti altında olğan Qırımda insan aqları ile bağlı vaziyet kergindir, bunı öz maruzasında Human Rights Watch halqara uquq qoruyıcı teşkilâtı bildire.

«Ukraina vatandaşlığını saqlağan ve Rusiye vatandaşlığını almağanlar içün tasil, iş, içtimaiy yardımğa irişim sıñırlanğan. 2014 senesi qırımtatarlarnıñ ve Ukraina tarafdarlarınıñ ğayıp oluvı boyunca akimiyet taqiqatnı keçirmey», – denile maruzada.

Uquq qoruyıcılar dey ki, Qırımda yerli akimiyet «onı takbih etkenlerni sustırmağa ve qırımtatarlarğa – Qırımda Rusiye areketlerine açıqtan memnünsizligini köstergen azlıqqa qarşı basqı köstermege devam ete».

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.

XS
SM
MD
LG