Link açıqlığı

Qırımtatar Milliy Meclisiniñ reisi, Ukraina halq deputatı Refat Çubarov Almaniya diplomatlarını, Almaniya Avropa havfsızlıq ve işbirlik boyunca teşkilâtında reislik yapqan vaqtında, Qırım işğali meselesini onıñ yapılacaq vazifeleriniñ cedveline qoşmağa çağırdı.

Bunı o Kiyevde «Dialog, işanç, havfsızlıqnıñ yañartılması» serlevalı «tögerek masa»da bildirdi, haber ete Qırım.Aqiqat mühbiri.

«Tögerek masa» Almaniyanıñ 2016 senesi ОSCEde reisliginde ukrain mevzularınıñ muzakeresine bağışlanğan.

«Bu blokta (reislik planı – QA) – «Buhran ve ziddiyetlerniñ al etilmesi» – meni ayrette qaldırdı, pek qasevet etem, Qırım mında yoq… Bu pek havflı», – dey Çubarov.

O dey ki, Qırım mevzusınıñ yoq olğanı ОSCE azaları «istilâiy siyaset ile razılıq» olaraq tanıy bile. Çubarov Rusiye aqqında söz ketkenini añlamaq içün imkân berdi, amma açıqtan aytmadı.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.

XS
SM
MD
LG