Aqmescitte çarşenbe künü, yanvar 27-de, Rusiye uquq qoruyıcıları Qırım Yuqarı mahkemesi binasınıñ qoruvını quvetleştirdiler. Mında saat 13:00 «fevral 26 işi» boyunca nevbetteki mahkeme toplaşuvı keçirilecek, dep bildire Qırım.Aqiqat mühbiri.
Binağa yaqlaşma yollarını yol politsiyasınıñ hadimleri qapattı, maşinalar içün kiriş de qapalıdır. Bina etrafında mahsus hızmetlerniñ hadimleri nevbette tura. Olarnı FSB hadimleri mahsus ameliyatlarda qullanğan pıştav qapısı boyunca tanımaq mümkün.
Binanı ise demir isarı ile qoruladılar.
Mahkeme yanında OMON mahsus bölügi buluna.
Qırım Yuqarı Mahkemesi «fevral 26 işi» iştirakçilerini Mustafa Degermenci, Ali Asanov ve Ahtem Çiygoznı mart 8-ne qadar apiste qaldırdı.
Mustafa Degermenci, Ali Asanov ve Ahtem Çiygoz bir buçuq yıl evelsi fevral 26 künü Qırım parlamenti yanında Ukraina topraq bütünliginiñ tarafdarları ve «Russkoye yedinstvo» («Rusiye birligi») firqasınıñ faalleri arasında teşkil olunğan «kütleviu tertipsizliklerde» iştirak etüvleri içün qabaatlana.
«Fevral 26 işi»niñ iştirakçilerinden biri, Qırımtatar Milliy Meclisi reisiniñ muavini Ahtem Çiygoznıñ advokatı Nikolay Polozov Qırımda bulunğan Avropa Şurası eyyetiniñ temsilcilerine yanvar 27 künü keçirilecek mahkeme toplaşuvına kelmege teklif ete
