Link açıqlığı

Çiygoznıñ advokatı «fevral 26 işi» boyunca mahkemege Avropa Şurasınıñ eyteini çağıra


«Fevral 26 işi»niñ iştirakçilerinden biri, Qırımtatar Milliy Meclisi reisiniñ muavini Ahtem Çiygoznıñ advokatı Nikolay Polozov Qırımda bulunğan Avropa Şurası eyyetiniñ temsilcilerine yanvar 27 künü keçirilecek mahkeme toplaşuvına kelmege teklif ete.

«İnsan aqlarınıñ vaziyetine qıymet kesecek Avropa Şurasınıñ nezaret eyyeti Qırımda olsa, olarnı Aqmescitte «fevral 26 işi» boyunca keçirilecek mahkeme toplaşuvına kelmege teklif etem». Saat 13:00», – yazdı Polozov twitterde.

Qırım Yuqarı Mahkemesi «fevral 26 işi» iştirakçilerini Mustafa Degermenci, Ali Asanov ve Ahtem Çiygoznı mart 8-ne qadar apiste qaldırdı.

Mustafa Degermenci, Ali Asanov ve Ahtem Çiygoz bir buçuq yıl evelsi fevral 26 künü Qırım parlamenti yanında Ukraina topraq bütünliginiñ tarafdarları ve «Russkoye yedinstvo» («Rusiye birligi») firqasınıñ faalleri arasında teşkil olunğan «kütleviu tertipsizliklerde» iştirak etüvleri içün qabaatlana.

XS
SM
MD
LG