Link açıqlığı

Latviya tış işler naziri Edgars Rinkeviçs aytqanı kibi, memleketi alâ daa Ukrainağa ve mustaqilligine qol tutıp, Qırımnıñ Rusiye tarafından işğal etilmesini tanımay.

Bunı o toplaşuvda çıqaşta bulunıp ayttı, haber ete Latviya Tış işler nazirliginiñ matbuat hızmeti.

«Daa bir kere şunı aytmağa isteyim ki, Latviya Qırımnıñ qanunsız işğalini tanımamağa devam ete. Qırım – Ukrainanıñ qısmıdır. Latviyanıñ (Ukrainada – QA) mustaqillik, topraq bütünligi ve islâatlarğa destegi deñişmey qala», – qayd etti o.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.

XS
SM
MD
LG