Link açıqlığı

Qırım Yuqarı Mahkemesi «fevral 26 işi» iştirakçilerini Mustafa Degermenci, Ali Asanov ve Ahtem Çiygoznı mart 8-ne qadar apiste qaldırdı, bunı advokat Nikolay Polozov yanvar 25 künü Facebookta bildirdi.

Onıñ aytqanı kibi, apis müddetiniñ uzattırılması aqqında şefaatnı Qırımnıñ Rusiye prokurorı Natalya Poklonskaya seslendirdi. Maznunlar ve imayecileri buña qarşı çıqtı ve ev apsini teklif etken edi.

Prokuror şefaatı muzakere etilgende, Ali Asanov SİZOda taqiqatçı oña qarşı basqı etkenii ve azatlığı içün Ahtem Çiygozğa qarşı malümatnı bermege talap etkenini bildirdi, Asanov buña razı olmadı ve neticede apiste yatmağa devam ete, dep qoştı advokat.

Polozov aytqanı kibi. yanvar 25 künü Qırım Yuqarı mahkemesinde toplaşuv maznunlarnıñ olarğa qarşı olğan qabaatnı añlatmağa ricası ile bаşlandı.

«Olar ne yeri, ne vaqtı, ne yapılğan tarzı boyunca muayyen degildir. Devlet qabaatlayıcısı Natalya Poklonskayanıñ añlatuvı adiy edi: er şey qabaatlayıcı qararda belgilengen, diger sualler ise mahkeme taqiqatı devamında baqılacaq. Bundan soñ Ahtem Çiygoz em prokuror Poklonskayanıñ, em de mahkemede bulunğan onıñ yardımcılarınıñ işten çetleştirilmesini talap etti», – dey Polozov.

Aytqanı kibi, «Poklonskayanıñ ve yardımcılarınıñ mahkeme esnasınıñ neticesinde olğan şahsiy merağı» buña sebep oldı.

«Natalya Poklonskaya kütlevi matbuat vastalarında defalarca «fevral 26 işi»ne qıymet kese edi, cemaatçılıqnı aldatıp, Çiygoz ağır cinayetniñ etilmesinde qabaatlı olğanını bildire, mahkeme qararı olmağan vaqıtta maznunlarnı «qatiller» olaraq adlay edi», – dey advokat.

Nevbetteki mahkeme toplaşuvı yanvar 27 künü olacaq.

Mustafa Degermenci, Ali Asanov ve Ahtem Çiygoz bir buçuq yıl evelsi fevral 26 künü Qırım parlamenti yanında Ukraina topraq bütünliginiñ tarafdarları ve «Russkoye yedinstvo» («Rusiye birligi») firqasınıñ faalleri arasında teşkil olunğan «kütleviu tertipsizliklerde» iştirak etüvleri içün qabaatlana.

XS
SM
MD
LG