Link açıqlığı

Qırımtatar Milliy Meclisi reisiniñ muavini Ahtem Çiygoz aytqanı kibi, qırımtatarlar Qırımnıñ rus tilli ealisine iç bir vaqıt qarşı çıqmay edi. Bunı Çiygoz bazareretsi künü, yanvar 25-de, Qırımnıñ Yuqarı mahkemesi salonında bildirdi, dep yaza advokat Nikolay Polozov Facebookta.

«Mahkeme muşavere odasında şefaatlar boyunca qararlarnı alğan vaqıtta, salonda maküm etilgenlerniñ tuvğanları ve tarafdarları ve zarar körgenlerniñ arasında «milliy mesele»niñ muzakeresi olıp keçti. Ne içün maznunlar skemlesinde yalıñız qırımtatarlar otura? Mahkeme toplaşuvında olğan teneffüs vaqtında Ahtem Çiygoz qafesten milliy mesele aqqında bildirüvinı seslendirdi. Çiygoz qırımtatarlarnıñ Qırım rus tilli ealisine qarşı iç bir vaqıt çıqmağanı aqqında bildirdi», – dep yaza Polozov.

«Qarşılığımız rus ya da ukrain halqına qarşı degil, er zaman akimiyetke qarşı edi»,– dep bildire advokat Ahtem Çiygoznıñ sözlerini ve «qurbanlardan bazıları onıñ ile razı olğanını» dep qoştı.

Qırım Yuqarı Mahkemesi Mustafa Degermenci, Ali Asanov ve Ahtem Çiygoznı mart 8 kününe qadar apiste qaldırdı.

Nevbetteki mahkeme toplaşuvı yanvar 27 künü olacaq.

Mustafa Degermenci, Ali Asanov ve Ahtem Çiygoz bir buçuq yıl evelsi fevral 26 künü Qırım parlamenti yanında Ukraina topraq bütünliginiñ tarafdarları ve «Russkoye yedinstvo» («Rusiye birligi») firqasınıñ faalleri arasında teşkil olunğan «kütleviу tertipsizliklerde» iştirak etüvleri içün qabaatlana.

XS
SM
MD
LG