Link açıqlığı

Ukraina prezidentiniñ qırımtatar halqınıñ işlerinden vekâletlisi, qırımtatarlarnıñ yetekçisi, Ukraina halq deputatı Mustafa Cemilev Frenkistan Strasburg şeerine Avropa Şurasınıñ Parlament assambleyasınıñ ukrain eyyeti erkânında yol aldı.

Bunı qırımtatar halqınıñ işlerinden vekâletlisiniñ matbuat hızmeti bildire.

«Strasburgda yanvar 25-29 künleri PAСE qış sessiyası keçecek. Muzakere etilecek esas mevzularnıñ sırasında terrorizm, icret buhranı, Poloniya demokratik institutları ile bağlı meseleler olacaq. Vaqtınca işğal etilgen Qırım ve Ukrainağa qarşı Rusiye istilâsına mında bir qaç tedbir ve «tögerek masa» bağışlanacaq. Şu cümleden, Ukraina prezidentiniñ qırımtatar halqınıñ işlerinden vekâletlisininñ iştiraki ile Qırımnıñ şimdiki vaziyeti boyunca matbuat konferentsiyası keçirilecek», – denile beyanatta.

Rusiye eyyeti PAСE toplaşuvlarında 2016 senesi devamında iştirak etmeycek.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.

XS
SM
MD
LG