Qırımnıñ Yuqarı mahkemesi avdokat Nikolay Polozovnıñ prokuror Natalya Poklonskayanıñ ve diger prokurorlarnıñ mezkür işten çetleştirilmesi aqta şefaatını lâğu etti. Bunı Polozov Twitterde bildirdi.
«Qırım mahkemesi prokuror Poklonskayanı ve Dombrovskiy ve Alekseyev prokurorlarını işten çetleştirmege razı olmadı», – yazdı o.
Advokatnıñ sözlerine köre, mahkemeciler onıñ şefaatını bir 40 daqqa muzakere ete edi.
Mustafa Degermenci, Ali Asanov ve Ahtem Çiygoz bir buçuq yıl evelsi fevral 26 künü Qırım parlamenti yanında Ukraina topraq bütünliginiñ tarafdarları ve «Russkoye yedinstvo» («Rusiye birligi») firqasınıñ faalleri arasında teşkil olunğan «kütleviу tertipsizliklerde» iştirak etüvleri içün qabaatlana.
