Ukraina prezidenti Petro Poroşenko aytqanı kibi, eki aftadan soñ Qırım Muhtar Cumhuriyetiniñ muvaqqat işğali ile bağlı mahkeme davaları açılacaq. Bunı Poroşenko bazar künü, yanvar 24-de, ukrain telekanallarına bildirdi.
2015 senesi dekabr ayında «Naftogaz Ukrainı» şirketi Qırımnıñ Rusiye işğalinden sebep ğayıp etken maliyesi üzerinde nezaretni halqara mahkeme institutları yardımı ile qaytaracağını bildirdi.
Oşçadbank Ukrainı Qırımğa coyğan yatırımları boyunca şikâyetiniñ devamı içün Rusiye Federatsiyasına qarşı davası aqqında bildirgen edi.
Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.
