Link açıqlığı

Saatnıñ esas haberi

Celâl: Alupkada qırımtatar siyasiy faаlini yaqaladılar


Alupkada yanvar 23 künü Yaltada maşinalarnı ateşke berüvde şeklengen 21 yaşında Muedin Alvapovnı yaqaladılar. Bunı Qırımtatar Milliy Meclisi reisiniñ birinci muavini Nariman Celâl bildirdi.

Facebookta Celâl yazğanı kibi, yanvar 25-de, Yaltada «ceza qararını belgilenmesi aqqında» mahkeme toplaşuvı keçirilecek.

«Muedinniñ anası Zarema apte aytqanı kibi, onıñ oğlu bunı iç bir vaqıt yapmaz edi. Muedinniñ ağası Mustafa şimdilik qıtaiy Ukrainada buluna. Ailesi pek faal ve farqlı içtimaiy-siyasiy tedbirlerde iştirak ete. Balalarnı siyasiy faaliyetleri sebebinden taqip ete bileler. Mustafa Qırımğa qaytsa, onı da apis bekleydir», – dey Celâl.

O vatandaşlarına bu aileni yalıñız qaldırmamaq rica etti. «Zarema apteni ziyaret etiñ ve eyi söz ile qol tutıñız», – qayd etti o.

Qırım uquq qoruyıcı organlarınıñ resmiy saytlarında Muedin Alvapovnıñ yaqalanuvı aqqında malümat yoq.

Qırımda «fevral 26 işi» boyunca bir sıra qırımtatar faali apiste buluna.

Mustafa Degermenci, Ali Asanov ve Ahtem Çiygoz bir buçuq yıl evelsi fevral 26 künü Qırım parlamenti yanında Ukraina topraq bütünliginiñ tarafdarları ve «Russkoye yedinstvo» («Rusiye birligi») firqasınıñ faalleri arasında teşkil olunğan «kütleviу tertipsizliklerde» iştirak etüvleri içün qabaatlana.

XS
SM
MD
LG