Link açıqlığı

Qırımda Rusiye akimiyeti müftiylik vastası ile qırımtatarlarnıñ yarımadada Rusiye akimiyetine sanki qol tutqanını kösterecek ola, dep tüşüne Qırımtatar Milliy Meclisiniñ azası Eskender Bariyev.

Bunı o Qırım.Aqiqat Radiosı efirinde bildirdi.

«Anda (Qırımda – QA) yekâne qanuniy organ müftiyliktir ve yekâne qanuniy diniy yetekçi – müfti Emirali Ablayevdir. Ve, işte, o (Qırım akimiyeti – QA), kerçekten de, zayıf tarafnı tapıp, bütün dünyağa qırımtatarlar işğalge qol tutqanını köstere. Olar işğal aqqında aytmaycaq, Qırım işğaline qol tutalar – deycekler», – dedi Bariyev.

Bariyevniñ bildirüvine QMDİniñ izaatı şimdilik yoqtır.

Qırım ve Aqyar musulmanlarınıñ diniy idaresi – 2014 senesi Rusiye qanuniyetine köre qayd etilgen diniy teşkilâttır.

Qırımtatarlarnıñ yetekçileri müftiylikni qıtaiy Ukrainada teşkil etmege qarar aldı, QMDİ yolbaşçılığı bu ğayeni takbih ete.

XS
SM
MD
LG