Link açıqlığı

Ukraina prezidenti Petro Poroşenko dey ki, ukrain timsalleri şimdilik Donbass ve Qırımnıñ işğal etilgen territoriyalarğa qaytacaq. Bu aqta prezidentniñ Ukraina Birleşme Künü munasebeti ile hayırlavında aytıla.

«Ukrain, rus, qırımtatar ve diger tillerde qonuşamız, amma bizni yekâne devlet tili – ukrain tili birleştire. Çeşit kilselerge baramız, amma Tañrımız bir. Toprağımız da er kes içün birdir», – dedi devlet başı.

Poroşenko dey ki, Yevro-2012 vaqtındaki «sarı-mavı Donetskni» unutmaz.

«Bu tüsler Donetsk ve Lugansk, Aqmescit ve Aqyarğa öz qanuniy yerlerine qaytar», – dedi Poroşenko.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.

XS
SM
MD
LG