Qıtaiy Ukrainada teşkil etilecek Qırım musulmanları diniy idaresi qırımtatarlarnıñ medeniy birligini saqlaycaq institut olmalıdır.
Bunı Qırım.Aqiqat Radiosınıñ efirinde Qırımtatar Milliy Meclisiniñ azası Eskender Bariyev bildirdi.
Onıñ fikrine köre, qıtaiy Ukrainada Qırım müftiyligi yarımada işğalinden sebep tarihiy vatanını terk etmege mecbur olğan qırımtatarlar içün medeniy ve diniy merkez olmalıdır.
«Biz kendi özgünligimizni saqlamaq kerekmiz. Til, medeniyet. din özgünligimizni. Şunıñ içün, özgünligimizni saqlamaq içün mahsus institutlar olmalı. Ukrainanıñ qıtasında Qırım Müftiyligini diniy özgünligimizni saqlaycaq institut olmalı ve mında Qırım musulmanları, qıtaiy Ukrainada bulunğan qırımtatarlar ile iş alıp barılmalı», – dey Bariyev.
Qıtaiy Ukrainada Musulman diniy idaresiniñ teşkil etilmesi – qırımtatarlarnıñ milliy yetekçileriniñ teşebbüsidir. Şu cümleden, Mustafa Cemilev Qırım ve Aqyar musulmanlar diniy idaresiniñ yarımada Rusiye akimiyetine boysunğanı ile añlattı. Herson vilâyetinde keçirilgen Bütündünya qırımtatar kongressiniñ idare şurasınıñ toplaşuvı da işbu teşebbüske qol tuttı.
