Rusiyeniñ Federal havfsızlıq hızmeti (FSB) «Ukraina Herson vilâteinde qanunsız silâlı teşkilâtlandıruvnıñ meydanğa ketirilmesi» sebebinden cinaiy işni açtı, bunı cumaaqşamu künü, yanvar 21-de, Qırımnıñ Rusiye prokurorı Natalya Poklonskayağa esaslanıp, TASS bildire.
«Herson vilâyetinde qanunsız silâlı teşkilâtlandıruvnıñ meydanğa ketirilmesi içün cumhuriyet prokuraturası tarafından Qırım boyunca FSB idaresiniñ taqiqat organlarına malümat yollanıldı. Bugün Rusiye CK 208 maddesi 1-nci qısmı boyunca cinaiy işniñ açılması aqqında qarar alındı», – dey Poklonskaya.
Bu maddege köre 15 yıllıq apis cezası belgilene.
Yaqında Bütündünya qırımtatar kongressiniñ reisi, Meclis reisi Refat Çubarov alâ daa batalyonnıñ teşkil etilmesi aqqında resmiy qarar olmağanı aqqında bildirgen edi.
Bundan evel «Qırım vatandaşlıq qamaçavı» aktsiyasınıñ yetekçisi Lenur İslâmov Noman Çelebicihan adına qırımtatar göñülli batalyonınıñ teşkil etilecegi aqqında ilân etken edi.
