Link açıqlığı

Saatnıñ esas haberi

Groysman: Cemilevniñ Qırımda ğıyabiy apis cezası – saçmalıq ve qorquzmaq ıntıluvıdır


Qırım Rusiye akimiyetiniñ qırımtatarlarnıñ milliy yetekçisi, Ukraina halq deputatı Mustafa Cemilevniñ ğıyabiy apsi aqqında qararı manasızdır, dedi Ukraina Yuqarı Radasınıñ reisi Vladimir Groysman.

«Saçmalıq» – Qırımnıñ işğalci memuriyetiniñ halq deputatı Mustafa Cemilevniñ ğıyabiy apis cezası boyunca qararını ögrenip, aqlıma ilk kelgen tüşüncedir», – dedi Groysman Facebookta.

Onıñ aytqanı kibi, Cemilevni «qanunsız memuriyetiniñ manasız qararları ile qorquzacaq olalar».

«İşğalciler Mustafa Cemilev ya da Ukrainanıñ diger vatandaşlarına qarşı ne qadar bu kibi qararnı çıqarmasa, bütün dünyada tanılğan delilni red etip olamaylar: «Qırım – Ukrainadır!», – dep yekün çekti Groysman.

Yaqında Qırım advokatı Cemil Temişev Aqmescitte Kiyev rayon mahkemesiniñ Mustafa Cemilevniñ yaqalanuvı boyunca qararı aqqında bildirdi. Bu malümatnı Rusiye matbuat vastalarına Qırım prokurorı Natalya Poklonskaya da tasdiqladı ve Cemilevniñ federal qıdıruvğa ilân etilgeni aqqında bildirdi.

İşğal etilgen Qırımda Mustafa Cemilevni sıñırdan qanunsız sürette keçüvde, silânıñ qanunsız tarzda saqlanuvında qabaatlaylar.

Mustafa Cemilevniñ özü Aqmescitte mahkeme qararını daa izaatlamadı.

Evel Ukraina halq deputatı, qırımtatar halqınıñ yetekçisi Mustafa Cemilevge Rusiye tarafından işğal etilgen yarımadağa kirişni yasaqladılar.

XS
SM
MD
LG