Qırımtatar Milliy Meclisi reisiniñ muavini Ahtem Çiygoznıñ Rusiye advokatı Nikolay Polozov dey ki, Qırımda Çiygoz ve daa bir qaç qırımtatar faali maküm etilgen «fevral 26 işi» malümatı ile tanıştı.
«Qırımda «fevral 26» işiniñ malümatı ile tanış oldım. Şunı aytmaq isteyim ki, bu iş – «Basman adliye» adetlerinde çolpa sahtekârlıqtır», – yazdı Polozov Facebookta.
O Aqmescitniñ Rusiye mahkemesi tarafından qırımtatarlarnıñ milliy lideri Mustafa Cemilevniñ ğıyabiy apisniñ saçmalığını da qayd etti.
Mustafa Degermenci, Ali Asanov ve Ahtem Çiygoz bir buçuq yıl evelsi fevral 26 künü Qırım parlamenti yanında Ukraina topraq bütünliginiñ tarafdarları ve «Russkoye yedinstvo» («Rusiye birligi») firqasınıñ faalleri arasında teşkil olunğan «kütleviu tertipsizliklerde» iştirak etüvleri içün qabaatlana.
Qırımtatar Milliy Meclisi reisiniñ birinci muavini Ahtem Çiygoz, Mustafa Degermenci, Ali Asanov, Arsen Yunusov ve Eskender Emirvaliyevge nisbeten nevbetteki mahkeme toplaşuvları 2016 senesi yanvar 15-de keçirildi. Nevbetteki toplaşuv yanvar 25-de olacaqtır.
Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.
