Link açıqlığı

Rusiye prezidentiniñ matbuat kâtibi Dmitriy Peskov dey ki, Ukraina ile Qırım meselesini muzakere etmege acet yoq.

«Qırım ile bağlı bir mesele yoq. Yani, Qırım meselesini muzakere etmege imkân da yoq», – dedi o jurnalistlerge, Kiveniñ Qırım meselesini halqara meydançıqlarda muzakere etmek imkâniyeti aqqında sualge cevap bergende.

Bundan evel Ukraina prezidenti Petro Poroşenko aytqanı kibi, Ukraina «Jeneva plüs» halqara muzakere şeklini teklif etecek. Bu format aqqına Davosta Ukraina maliye naziri Nataliya Yaresko da bildirgen edi.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG