Aqmescitniñ Kiyev rayon mahkemsinde yanvar 20 künü Ukraina halq deputatı Mustafa Cemilevge nisbeten ğıyabiy sürette apis cezası qararını aldılar.
Bunı aqşam, çarşenbe künü, advokat Cemil Temişev Facebook saifesinde bildirdi.
Onıñ sözlerine köre, taqiqatçı ve prokuror Mustafa Cemilevge qarşı Rusiye Federatsiyası Cinaiy kodeksiniñ üç maddesi boyunca cinaiy işlerniñ açılması ve «о taqiqat ve mahkemeden saqlana, şaatlarğa basqı ete bile, delillerni yoq ete bile, diger devletniñ vatandaşı ola ve Qırım terrioriyasında daimiy yaşav yeri olmağanı» aqta aytqan ediler.
Mahkeme şefaatnı qabul etti ve Cemilevge qarşı apis cezasını çıqardı.
Avdokat Mustafa Cemilevniñ Rusiyede federal qıdıruvğa ilân etilgenini hatırlattı.
İşğal etilgen Qırımda Mustafa Cemilevni sıñırdan qanunsız sürette keçüvde, silânıñ qanunsız tarzda saqlanuvında qabaatlaylar.
Mustafa Cemilevniñ özü Aqmescitte mahkeme qararını daa izaatlamadı.
Evel Ukraina halq deputatı, qırımtatar halqınıñ yetekçisi Mustafa Cemilevge Rusiye tarafından işğal etilgen yarımadağa kirişni yasaqladılar.
Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.
