Qırım qamaçavı boyunca aktsiya faalleri deyler ki, şimdi memuriy sıñırdan keçken naqliyatnı
Bu aqta Qırım.Aqiqatqa «Azov» vatandaşlıq korpusı lageriniñ komendantı Stanislav Krasnov bildirdi.
«Al-azırda «Azov» vatandaşlıq korpusı blok-postlarda öz bulunuvını eksiltti. «Azov» vatandaşlıq korpusı qamaçavdaki iştirakimizniñ şeklini belgilemekte. Eminmiz, sıñırcılar ile birlikte nezaret noqtalarında bulunmaq kerekmiz. Şimdi muzakereler alıp barıla, şunıñ içün mından keçken naqliyatnı teşkermeymiz», – dedi Krasnov.
Ukraina Devlet sıñır hızmeti Qırım qamaçavı boyunca aktsiyasınıñ iştirakçileri ile birlikte yarımada ile memuriy sıñırda nezaretni keçirmege azırlana.
Qırımtatar Milliy Meclisiniñ reisi Refat Çubarov jurnalistlerge aytqanı kibi, Qırım qamaçavınıñ şekli deñiştirilmesinden soñ, onıñ iştirakçileri Ukraina Devlet sıñır hızmeti ve Ukraina gümrük hızmetiniñ Qırım ile memuriy sıñırda areketlerini nezaret etecek ola.
