Bağ, haber, haber tehnologiyaları ve kütleviy kommunikatsiya boyunca federal hızmeti («Roskomnadzor») Rusiye territoriyasında «LІGA Biznesİnform» ukraina internet saifesini «ekstremist faaliyetine çığaruvları içün» blok etti. Bunı neşir saytında yazalar.
«Buña sebep 2015 senesi aprel 1-de çıqqan haber oldı (Çubarov: Ukraina Rusiye ile açıq cenkte azırlanmalı), – yaza LİGA.net
«Roskomnadzor», Rusiyede tsenzura ameliyatına devam etip, LІGA.net muarririyetinden haberni silmege talap etti, 2016 senesi yanvar ayından saytnı Rusiye Federatsiyasında yasaqlanğan saytlar cedveline kirsetti», – denile beyanatta.
Bildirilgeni kibi, Rusiyeniñ bazı regionlarında saytqa irişim imkânsızdır. Bundan da ğayrı, Rusiye tarafından işğal etilge Qırım Muhtar Cumhuriyetinde de oquyıcılarnıñ çoqusı saytqa kiremey.
«Roskomnadzor» saytında bildirilgeni kibi, LİGA.net blok-cedvelge kirsetilgen.
«Roskomnadzor» Qırım territoriyasında ukraina interent neşirlerini 2014 senesi yazdan blok etmege başladı. O vaqıt «Tsenzor», «Novıy Region» ve «Glavkom» kibi internet resursları qapatıldı.
