Qırımtatarlar İnsan aqları boyunca Avropa mahkemesinde (YESPÇ) 2014 senesinden Rusiye tarafından işğal etilgen yarımadada ana tilinde oqumaq aqqında marum qalğanlarına şikâyet ete bile.
Bunı Taras Şevçenko adına Kiyev milliy universitetiniñ halqara uquq professorı Aleksandr Zadorojnıy bildire.
«Ukraina vatandaşı YESPÇge muracaat ete ve yevro para birleminde maliyeviy tazminatnı elde ete bile», – dedi Zadorojnıy Qırım.Aqiqatqa.
O YESPÇde Rusiye tarafından işğal etilgen Qırımda vatandaş aqlarınıñ bozulması ile bağlı şahsiy muracaatlar mehanizmi yeterli derecede çalışmağanını qayd etti. Zadorojnıy aytqanı kibi, şimdilik mahkemege bu kibi şikâyetleri ile tek 700 insan muracaat etti.
Professor şunı da qayd etti ki, Ukraina Qırım işğali ve halqara uquqnıñ diger bozuluvları içün Rusiyeni mesüliyetke çekmek içün halqara uquq imkânlarından da yeterli seviyede faydalanmay.
Rusiye Qırımnı işğal etkeninden soñ yarımadada ukrain ve qırımtatar mektep ve sınıflarını qapatmağa, ukrain ve qırımtatar tillerinde oqutuv saatlerini qısqartmağa başladılar. Bu aqta Qırımtatar Milliy Meclisi ve cemaatçılar ep qasevetini bildire.
