Link açıqlığı

Saatnıñ esas haberi

Qırımdan sahte vesiqalar boyunca maşnanı çıqaracaq ediler – Ukraina Devlet sıñır hızmeti


Ukraina Devlet sıñır hızmetiniñ Herson bölüginiñ sıñır bekçileri «Kalançak» nezaret noqtasında teşkerüv vaqtında sahte vesiqalar ile maşnanı taptılar. Bunı hızmetniñ matbuat hızmeti bildire.

«Ukraina vatandaşı qıtaiy Ukrainağa «Citroen» maşnası ile çıqacaq edi. Avtonı teşkerip, sıñırcılar naqliyat vastasınıñ nomerası vesiqalarda olğan nomerası bir olmağanını qayd ettiler», – denile beyanatta.

Şimdi Milliy politsiya hadimleri maşinanı teşkermege devam ete.

2014 senesi Rusiye Qırımnı işğal etkeninden soñ qıtaiy Ukraina ve yarımada arasında memuriy, aqiqatta ise – kerçek sıñır peyda oldı. Qırım vaqtınca işğal etilgen territoriya olaraq sayıla.

XS
SM
MD
LG