Link açıqlığı

Saatnıñ esas haberi

Qırımğa elektrik energiyasınıñ ğayrıdan berilmesi aqqında añlaşmalarnıñ olmasına sebep yoq – Demçişin


Ukraina energetika ve kömür sanayı naziri Vladimir Demçişin Qırımğa Ukrainа ve Rusiye arasında elektrik energiyasınıñ ğayrıdan berilmesi aqqında añlaşmalarnıñ olmasına sebep yoq.

Bunı o Kiyevde keçirilgen matbuat konferentsiyası devamında ayttı.

«Taraflarnıñ delillerini kördik… Añlaşma boyunca mevamımız bar, başqa taraf onı qabul etmedi. Añlaşma imzalanmağan, bir şey yapmaq içün temel yoq», – dey o.

Demçişin dey ki, qıtaiy Ukrainadan Qırımğa elektrik energiyasınıñ berilmesi aqta evelki añlaşma Ukrainada serbest quvetlerni yüklemege imkân bere edi. Amma Qırımğa energiya berilmesiniñ meselesi «siyasiydir».

Qırımğa elektrik energiyasınıñ berilmesi aqqında evelki añlaşmada Qırım «Qırım Rusiye federal okrugı» olaraq qayd etilgen edi. Bu añlaşmanıñ müddeti 2015 senesi dekabr 31 künü bitti.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG