Link açıqlığı

Poroşenko Almaniya ve Frenkistan yetekçileriniñ sefirleri ile Qırım ve Donbass vaziyetini muzakere etti


Ukraina prezidenti Petro Poroşenko Almaniya ve Frenkistan yetekçileriniñ seferleri Kristof Hoysgen ve Jak Оdiber ile Donbass ve Rusiye tarafından işğal etilgen Qırım vaziyetini muzakere etti, haber ete Ukraina prezidentiniñ matbuat hızmeti.

«Prezident Poroşenko Almaniya ve Frenkistan temsilcilerine Donetsk ve Lugansk vilâyetleriniñ işğalden azat etilmesinde oynağan rolü ve Qırım işğaliniñ tanılmaması içün minnetdarlığını bildirdi. Taraflar boyeviklerniñ tarafından ateş toqtaluvı rejiminiñ bozulması ve ОSCE işine keder etilmesi boyunca qasevetini bildirdiler», – denile beyanatta.

Muzakerelerniñ esas noqtaları arasında Donbassta ateş toqtatıluvı, Rusiye arbiyleri ve tehnikasınıñ çıqarılması, Ukrainanıñ sıñır üzerinde nezaretiniñ qaytarılması ve reinelerniñ azat etilmesi kibi sualler bar edi.

Subetdeşler Ukrainanıñ Minsk añlaşmalarında körgen teraqqiyatını qayd ettiler.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG