Qırımnıñ Rusiye başı Sergey Aksenov bu sene «turistlerniñ büyük aqımını» bekley ve «raatlanıcılarnıñ beklevini aldatmamaq» talap ete.
«Turistler aqımı büyük olacaq. Türkiye ve Mısırnı – olarnıñ bizge, Rusiye Federatsiyasına duşmaniy munasebetini nazarğa alıp qapattılar. Ebet, insanlarnıñ sayısı daa da çoq olacağını beklemek kerek, öyle olmalı», – dedi Aksenov yanvar 19 künü Qırımnıñ Rusiye ükümeti toplaşuvında.
O şunı da qayd etti ki, turistik hızmetiniñ fiyatına uyması kerek ve Qırım Turizm ve Energetika Nazirliklerinden istiraat evleriniñ çalışacağı boyunca «aqiqiy manzaranı» taqdim etmege talap etti.
Qırımda ilân etilgen Fevqlâde vaziyet rejimi mayıs ayına qadar devam etecek, Krasnodar diyarından energokopürniñ ekinci pıtağınıñ işlettirilmesi beklenile.
Qırım Kurort nazirliginiñ malümatına köre, 2015 senesi yarımada 4 mln ziyade turistni qabul etti.
