Link açıqlığı

Qırımda 2015 senesi söz serbestliginiñ bozuluvı ile 40-tan ziyade vaqia qayd etildi. Bu aqta Kütleviy haber institutı cemaat teşkilâtı bildirdi.

«2015 senesi Rusiye tarafından işğal etilgen Qırımda söz serbestligi 44 kere bozuldı. Yarımadada matbuat vastalarına Rusiye mahsus hızmetleri, Roskomnadzor, işğalci Qırım akimiyeti basqı etti. Rusiye FSB jurnalistlerni «ekstremizmde» qabaatlay edi», – denile teşkilâtnıñ saytında aşkâr etilgen esabatında.

Bıltır yarımadada Roskomnadzor yasağından işğal etilgen Qırımda ATR qırımtatar telekanalınıñ yayınlavı toqtaldı, bir çoq muarririyet Qırımdan köçip ketti.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG