Link açıqlığı

Uquq qoruyıcılar işğal etilgen ukrain territoriyalarında – Qırım Muhtar Cumhuriyeti ve Donetsk ve Lugansk vilâyetlerinde yabancı duşmanlığı sebebinden vandalizm adiseleriniñ seviyesi yüksek olğanını qayd etе. Bu aqta Milliy azlıqlar aqlarınıñ nezareti gruppasınıñ «Eki yıllıq cenk: 2015 senesi Ukrainada yabancı duşmanlığı» maruzasında aytıla, onı Kiyevde yanvar 20 künü Ukrain buhraniy media-merkezinde taqdim etecekler.

«İşğalci akimiyet tarafından ayırımğa, işğalniñ birinci yılı olğanı kibi, eñ çoq qırımtatarlar rastkele. Mustaqil qırımtatar milliy areketine qarşı taqip ve ayırımar arttı, teşkilât ve matbuat vastaları yoq etile. Yabancı duşmanlığı sebebinden vandalizm adiseleri sıqlaştı», – denile beyanatta

Milliy azlıqlar aqlarınıñ nezareti gruppası 2014 senesi aprel ayında Ukraina Milliy azlıqlar kongressi tarafından teşebbüs etildi.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG