Bütündünya qırımtatar kongressiniñ idare şurasınıñ neticesinde bir sıra qarar qabul etildi – olarnıñ arasında: dünya memleketleri parlamentlerine 1944 senesi qırımtatarlarnıñ yarımadadan sürgün etilmesiniñ genotsid olaraq tanılması ile bağlı ve Qırımtatar Milliy Meclisine qıtaiy Ukrainada Qırım Müftiyliginiñ teşkil etilmesi aqta muracaatlarnı yollamaq.
Şu sırada böyle qarar alındı – qırımtatarlarnıñ milliy mektep, bala bağçalarınıñ quruculığı meseleleri boyunca ihtiyaclarını, diniy saada ihtiyaclarını, cami, medrese qurucılığı ve Herson vilâyetine sürgünlik yerleri ve diger rayonlardan köçip kelgenler içün evlerniñ qurucılığı ile bağlı ihtiyaclarnı belgilemek.
Bunıñ azırlığı içün iş gruppası teşkil etilecek, onıñ terkibinde Meclis ve yerli meclislerniñ azaları kire.
II Bütündünya qırımtatar kongressiniñ idare şurasınıñ nevbetteki toplaşuvı 2016 senesi aprel 15-17 künleri Litvaniya paytahtı Vilnüste keçirilecektir.
