Link açıqlığı

Saatnıñ esas haberi

Qırım qamaçavı boyunca vatandaşlıq aktsiyasınıñ yetekçisi Lenur İslâmov Herson vilâуеtinde teşkil etilgen qırımtatar göñülli batalyonına 250 insan yazılğanı aqqında bildirdi. Bunı o 112 Ukraina telekanalınıñ efirinde bildirdi

«Batalyon şekli endi bar. Onı teşkil etemiz. Cedveller azırlanıla. İnsanlar Ukrainanıñ er angi qısmından kele, yazıla. Biznen tura. Qırımtatar areketimizniñ yañı şekili. Şahsiy batalyonımız. Milliy Gvardiyа, yoqsa Ukraina Silâlı quvetleri terkibinde olacaq, Milliy Gvardiyada, ğaliba, çünki USQ vazifeleri arbiydir, UMG ise – içtimaiy. Menimce, yaqın istiqbalde böyle format alınacaq», – dedi o.

İslâmov arbiy teşkilâtnıñ meydanğa ketirilmesi aqta resmiy qararnıñ yaqında Ukraina prezidenti ya da onıñ qırımtatar halqınıñ işlerinden vekâletlisi Mustafa Cemilevniñ tarafından ilân etilecegine ümüt besley.

İslâmov 2015 senesi dekabr ayında Noman Çelebicihan adına qırımtatar göñülli batalyonınıñ teşkil etilecegi aqqında bildirdi. Bu ğayege Qırımtatar Milliy Meclisiniñ reisi Refat Çubarov qol tuttı.

Qırım ve Aqyar musulmanları diniy idaresi işbu ğayeni takbih etti ve yaşlarnı yarımadanı terk etmemek çağırdı.

XS
SM
MD
LG