Link açıqlığı

Bütündünya qırımtatar kongressiniñ icraiy komiteti qıtaiy Ukrainada milliy tilniñ istiqbаlini muzakere etti


Bütündünya qırımtatar kongressiniñ icraiy komitetiniñ azaları cumaertesi künü keçirilgеn üçünci toplaşuvında qıtaiy Ukrainada qırımtatar tiliniñ inkşafını muzakere etti. Bunı Qırım.Aqiqatqa toplaşuvnıñ işitarkçilerinden biri añlattı.

«Herson vilâyetinde mekteplerniñ (qırımtatar tilli oqutuvı ile – QА) qurucılıq imkânetini muzakere ettiler. Türkiye diasporasınıñ ola bilecek maliyeviy yardımı aqqında laf yürsettiler», – dey subetdeş.

Bütündünya qırımtatar kongressiniñ reberi, Meclis reisi Çubarov jurnalistlerge bu malümatnı tasdiqladı. Toplaşuv mevzularından biri qırımtatar tili ve medeniyetiniñ inkişafı olğanı aqqında bildirdi.

Cumaertesi künü, yanvar 16-da, Herson vilâyetiniñ Geniçesk rayonında Bütündünya qırımtatar kongressiniñ icraiy komitetiniñ üçünci toplaşuvı keçti. Toplaşuv iştirakçileri qıtaiy Ukrainada Qırımtatar Müftiyliginiñ teşkil etilmesi aqqında meseleni kötelrdiler. Qırımtatarlarnıñ yetekçileri Mustafa Cemilevniñ fikrine köre, Qırım Müftiyligi şimdi «işğalcige boysunğan».

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG