Yanvar 16 künü Aqmescitte «Qırım musulman ümmetiniñ birligine yañı çağıruvlar» serlevalı konferentsiya iştirakçileri beyannameni qabul etip, Ukraina Milliy gvardiya terkibinde Noman Çelebicihan adına batalyonnıñ teşkil etilmesini takbih ettiler.
«Bugün qomşu devletten Qırımnıñ barışıq ealisi arasında arbiy areketlerge çağıruvlarnı köremiz, 1918 senesi anarhist qollarından vefat etken Müfti-Şahid Noman Çelebicihannıñ adına anarhist batalyonınıñ teşkil etilmesini köremiz. Bundan da ğayrı, bugünki anarhistler o vaqıt olğanlarğa oşay, çünki olar da Qırım Müftisiniñ öldürüvine çağıra», – denile beyanatta.
Konferentsiya işitrakçileri qırımtatar yaşlarını Qırımnı terk etmemek ve Herson vilâyetinde silâlı teşkilâtlarğa kirmemek çağıra, çünki, beyanname müellifleriniñ malümatına köre, bu qırımtatar halqınıñ menfaatına qarşı çıqa ve vatandaki yaşayışına telüke ketire.
Evel «Qırımnıñ vatandaşlıq qamaçavı» aktsiyasınıñ yetekçisi Lenur İslâmov Noman Çelebicihan adına qırımtatar göñülli batalyonınıñ teşkil etilmesi aqqında bildirdi. Bu ğayege Qırımtatar Milliy Meclisiniñ reisi Refat Çubarov qol tuttı.
