Link açıqlığı

Qırımtatar faali Ahtem Çiygoznı Qırımda Rusiye Federatsiyasında ukrainlerge qarşı diger siyasiy işlerniñ tehnologiyası boyunca maküm eteler. Bu aqta Qırım.Aqiqat radiosı efirinde Ahtem Çiygoznıñ avdokatı Nikolay Polozov bildirdi.

Qırımnıñ Rusiye mahkemesiniñ yanvar 15-de qırımtatar faalleriniñ işleri boyunca toplaşuvını izaatlap, Nikolay Polozov tesadüfiy bir şeyni beklemegeni aqqında bildirdi.

«Mahkeme yoq olğanı şaraitlernde qararlanıñ çıqarılması – qanun, aq boyunса degil, Kreml emiri boyuncadır. Menimce, nasıldır bir sürprizler olmaz, bütün esnas bu kibi siyaset işlerniñ keçirilmesi kibi keçecektir», – dey Polozov.

Advokat qayd etkeni kibi, Ahtem Çiygozğa qarşı bütün qabaatlar «Rusiye uquq qoruyıcı adetinde olğanı kibi, abul-qubul sürette peyda oldı».

«Malüm ki, Çiygoz ve digerlerniñ qabaatsız olğanını tasdiqlağan bütün malümatlarnı taqiqat körmemezlikke urа. Diger faktlar ise aselet tüzetilip, işke qoşula edi. Onıñ içün Aksenov qabaatlayıcınıñ şaatlı ola, kerek olğan er şeyni aytır. Ebet, Rusiyeniñ şimdiki siyasiy rejiminde onı nasıldır bir tertipsizlikler iyun mesüliуekte kimse çekmez», – qayd etti Polozov.

Mustafa Degermenci, Ali Asanov ve Ahtem Çiygoz bir buçuq yıl evelsi fevral 26 künü Qırım parlamenti yanında Ukraina topraq bütünliginiñ tarafdarları ve «Russkoye yedinstvo» («Rusiye birligi») firqasınıñ faalleri arasında teşkil olunğan «kütleviu tertipsizliklerde» iştirak etüvleri içün qabaatlana.

Qırımtatar Milliy Meclisi reisiniñ birinci muavini Ahtem Çiygoz, Mustafa Degermenci, Ali Asanov, Arsen Yunusov ve Eskender Emirvaliyevge nisbeten nevbetteki mahkeme toplaşuvları 2016 senesi yanvar 15-de keçirildi. Nevbetteki toplaşuv yanvar 25-de olacaqtır.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.

XS
SM
MD
LG