Ukraina Haber siyaseti naziri Yuriy Stets yanvar 15 künü Aqmescitet «fevral 26 işi» boyunca mahkeme toplaşuvı vaqtında Rusiye uquq qoruyıcılarınnı jurnalist Zair Akadırovğa nisbeten areketlerini «Qırımda söz serbestliginiñ tam öldürilmesi» olaraq adladı. Aytqanı kibi, Ukraina Baş prokuraturası yanında QMC prokuraturasında bu vaqia boyunca muracaat qayd etilecek.
«Qırım jurnalisti Zair Akadırovnıñ yaqalanuvı ve sorğusı, şantah ve oña Rusiye uquq qoruyıcıları tarafınan küç qullanuvı – nam qazanğan «OMON» vekilleriniñ areketleri – işğalci memuriyetniñ tek öz, Rusiye qanuniyeti ve halqara uquq qaideleriniñ körmemezlikke urulmasını degil de, insan aqlarınıñ ve professional ahlâq qaideleriniñ bozuluvını köstere», – dey Stets.
Yanvar 15 künü Qırım Yuqarı mahkemesiniñ binası yanında, «fevral 26 işi» boyunca mahkeme toplaşuvınıñ başlanmasını beklegen qırımtatar jurnalisti Zair Akadırovnı yaqaladılar. Zair Akadırovnı onıñ zenaat faaliyeti aqqında soraştırdı ve bir saat devam etken sorğudan soñ azat ettiler. Bunıñ ile, jurnalistniñ aytqanına köre, onı mecburen Ekstremizmge qarşılıq boyunca merkezge alıp ketmege istey ediler, qorquzdılar.
