Link açıqlığı

Bütüdünya qırımtatar kongressiniñ vekilleri yanvar 16 künü Herson vilâyeti Geniçesk rayonında keçirilgen icraiy komitetiniñ toplaşuvına keldi, dep bildire Qırım.Aqiqat mühbiri.

Tedbirniñ planında – 2015 senesi sentâbr ayından yarımada ile memuriy sıñırda keçirilgen Qırım qamaçavı boyunca vatandaşlıq aktsiyasınıñ ziyareti.

«Qırımtatarlarnıñ mında kelip bizim – Qırımğa aqqı olğan yekâne tamır halqınıñ is etkenini añlağanlarını isteymiz. Onı qaytarmaq kerekmiz. Onı biz, qırımtatarlar qaytarmaq kerekmiz. Dünya toplulığı ile, bütün Ukraina ve qırımtatarlarnıñ yardımı ile. Evimizge qaytamız. Bunı tezleştirmege isteymiz. Bu maqsat ile icraiy komitet toplana», – dedi Qırım.Aqiqatqa Qırım qamaçavı boyunca aktsiyanıñ idarecisi Lenur İslâmov.

Onıñ sözlerine köre, tedbirniñ meselelerinden biri – «yarımadada çeşit teşkilâtlarnıñ adından ayırım milliy siyasetni alıp barğan şahıslarğa bütündünya qırımtatar qımeytini kesmek».

İslâmov hatırlattı ki, icraiy komitetke dünyanıñ 12 memleketinden 24 vekil kire.

Qırım.Aqiqatqa Meclis ve qırımtatar konrgessiniñ başı Refat Çubarov aytqanı kibi, toplaşuvda bugünki işniñ, diasporanıñ yardımı muzakere etilecek. Türkiye diasporasınıñ Herson vilâyetinde mektepniñ qurucılığı boyunca leyhası taqdim etilecek, Qırımda insan aqları ile bağlı meseleler baqılacaq.

Rusiye yarımadanı işğal etkeninden soñ 2015 senesi başından, Meclisniñ malümatına köre, Qırımnı bir 10 biñ qırımtatarı terk etti. Qırımtatarlarnıñ yetekçileri – Refat Çubarov ve Mustafa Cemilevge Qırım ve Rusiye kirişleri yasaqlandı.

XS
SM
MD
LG